المقادير
48 x عدد لوز (مقشر صحيح)
1 x كوب دقيق
1 x عدد بيضة ((بياض فقط))
1 x كوب لوز (مطحون)
¾ x كوب سكر (أبيض نقى)
½ x معلقة صغيرة شراب اللوز المركز (أو فانيليا سائلة)
½ x كوب زبدة (مخفوقة)
½ x معلقة صغيرة ملح
¼ x معلقة صغيرة باكينج بودر
الخطوات
فى بولة هنقلب الدقيق مع اللوز المطحون والباكينج بودر والملح ونسيبهم على جنب.
فى وعاء هنضرب الزبدة مع السكر على سرعة متوسطة بالخلاط اليدوى, وهنضيف شراب اللوز وبياض البيض أثناء الخفق ونستمر لحد ما الخليط يتجانس.
بعد كده هنضيف خليط الدقيق لخليط الزبدة ونقلب كويس جدا لحد ما الخليط يتجانس وهنغطى البولة بورق بلاستك وتدخل الثلاجة لمدة ساعتين.
بعد ساعتين على صاجة الفرن هنقسم العجين لكور صغيرة جدا على مسافات متباعدة وهنضغط على الكور بكعب كباية علشان تبقى مسطحة الشكل وهنزينها بغرز حبات اللوز فى المنتصف.
هندخل الصاجة الفرن على درجة حرارة 350 لمدة 12 دقيقة, وبكده الكوكيز جاهزة للتقديم.