المقادير

3 x كوب عصير طماطم
2 x كوب أرز عادى
2 x عدد طماطم (مقطعة شرائح)
1 x حزمة بقدونس طازج (مفروم ناعم)
1 x حزمة كزبرة خضراء (مفروم ناعم)
1 x كوب ماء
1 x معلقة صغيرة ملح
1 x عدد بصل
1 x حزمة شبت (مفروم ناعم)
1 x معلقة صغيرة نعناع
½ x كيلو باذنجان


الخطوات

فى طاسة هنضيف الزيت ونقلب فيه البصل لحد ما يدبل وبعدين هنضيف عصير الطماطم والشبت والبقدونس والكزبرة.
هنسيب عصير الطماطم يغلى وبعدين هنضيف الأرز للخليط ونقلبه لمدة دقيقتين ويرفع من على النار.
هنفتح الباذنجان ونغسله من جوه كويس ونحشية بخليط الأرز بس مش للأخر علشان الأرز بينفش مع التسوية.
فى حلة هنرص شرائح الطماطم وهنحط فوقيها الباذنجان المحشى وهنضيف ملح وكوب ماء.
هنسيب الحلة تغلى على نار عالية وبعدين هنوطى النار ونسيبه يستوى حوالى 15 دقيقة.